2.Кўкрак-қорин орқали нафас олиш, бундай нафас олганда ўрта қовурғалар, биқин ҳаракатга келади, яъни улар кенгаяди. Бундай ҳолатда най чалганда ўқувчи ўзини енгил ҳис этади, чарчамайди, кўкрак билан нафас олишда кўкрак қафаси ҳар томонга кенгайиши, қорин девори бироз олдинга кўтарилиши ва ҳаво ўпканинг юқори қисмини тўлдириши керак. Тез суръатдаги куйни ижро этишда найчи қисқа (тўлқинсиз стаккато тарзида) нафас олиши ва тезликда бурун орқали нафас чиқариб, лабни найдан (лабиумдан) узмаслиги керак. Кўкрак орқали қисқа нафас чиқаришда бир маромда шошилмаслик лозим, токи бир нафас йўлида ижрочи битта мусиқа (куй) жумласини чалиб улгуриши керак. Узлуксиз бирон-бир куй, машқ, этюдни чалишга тўғри келиб қолса (кпроқ ўнолтиталик ноталарда учрайди), у пайтда иложи борича захира ҳаво олиш талаб этилади. Организм ҳамма вақт ўз атрофидаги муҳитдан кислороднинг келиб туришига ва ҳужайрадаги моддалар билан тўқнашуви натижасида пайдо бўлган оксидланиш туфайли вужудга келадиган, ортиқча карбонат ангидрид газини ва қисман сув буғини ташқарига чиқариб туришга мухтождир, яъни одамнинг терлаши.Организм билан унинг атрофидаги муҳит орасида содир бўладиган ана шундай газ алмашинувига нафас олиш деб аталади, нафас олиш органи асосан ўпка бўлиб, тузилиш жиҳатидан жуда ҳам мураккабдир, нафас олиш тез, нафас чиқариш текис ва давомли бўлиши керак. Чуқур нафас олганда барча ўпка пуфакчалари кенгайиб, ўпка ҳажми катталашади ва кўкрак қафасини ҳам узунасига ҳам энига кенгайтиради. Кўкрак қафасининг узунасига кенгайиши натижасида кўкрак-қорин тўсиғи, яъни диафрагма гумбази бирмунча қисқаради, яссиланади, пасаяди, бу пайтда қовурғалардан тортиб ҳатто умуртқа суякгача турлича меъёрда кенгаяди.